Əmanətlərin Sığortalanması Fondu sığortalanan əmanətlər üzrə faizlərə dəyişiklik edir

Əmanətlərin Sığortalanması Fondu növbəti ayın əvvəlindən sığortalanan əmantlər üzrə faizləri aşağı endirəcək. Qeyd edək ki, fondu belə bir addım atmağa son bir neçə ayda kommersiya banklarının əmanətlər üzrə təklif  etdikləri faiz dərəcələrini  azaltmaları vadar edib. Belə ki,  ilin əvvəlində 21, hətta 24 faizlə əmanət yerləşdirməyi təklif edən  banklar hazırda bu rəqəmi 12 faizə endiriblər.Elə Əmanətlərin Sığortalanması Fondu da iyun ayından bu faizlə yerləşdirilən , əmanətləri sığortalayacaq. Məlumat üçün  deyək ki, fond  idiyədək 30 min manatadək olan və 15 faizdən az dividend verən əmanətləri sığörtalayırdı.

İqtisadi və Sosial İnkişaf Mərkəzinin rəhbəri Vüqar Bayramov artıq bir neçə aydır əksər  bankların , əmanətlər üzrə faizləri aşaği saldığını, hətta 11-12 faizlə divident təklif etdiklərini deyir. Ekspertin sözlərinə görə dividentlərin aşaği salınması sığortalanan faizə  də təsir ğöstərəcək.

Diqqəti çəkən isə bir sira  kommersiya banklarının hələ də ucuz kampaniya apararaq əhaliyə 15 faizdən artıq faizlə əmanət yerləşdirməyi təklif etmələridir. V. Bayramov bildirir ki, Əmanətlərin Sığortalanması Fondu sığortalanan əmanətlər üzrə faiz dərcəsinin 15 faizdən 12  faizə qədər endirilməsi istiqamətində  qərar qəbul edərsə, yüksək faiz təklif edən kommersiya banklarına yerləşdirilən əmanətlər sığortalanmayacaq. Yəni yüksək faizlə əmanət yerləşdirən  kommersiya banklarında olan əmanətlərin qaytarılma riski artacaq. O baxımdan ekspert siğortalanan əmanətlər üzrə dividentlərin dərəcəsinin aşağı endirilməsi ilə bağlı qərar qəbul edilən zaman ölkədə orta faiz dərəcələrinin  nəzərə alınmasını təklif edir:”Eyni zamanda Mərkəzi Bankın kommersiya banklarına əmanətlər üzrə təklif etdikləri faiz dərəcələrini  Əmanətlərin Sığortalanması Fondunun faiz dərəcəsinə uyğunlaşdırmalarını tövsiyyə etməsi vacibdir. Çünki, fondun müəyyənləşdirdiyi faiz dərəcəsindən yüksək faizlər təklif edən kommersiya bankları müflis olduğu halda oradakı əmanətləri qaytarmaq mümkün olmayacaq.Çünkı həmin əmanətlər sığortalanmayıb”.

Ekspert rəhbərlik etdiyi təşkilatın bir müddət əvvəl Əmanətlərin Sığortalanması Fondunun sığortalanan əmanətlər üzrə faiz dərəcələrinə dəyişiklik edəcəyi ilə bağlı açıqlama yaydığını xatırladır: “Çünki monitorinqlər prosesin bu istiqamətə doğru getdiyini göstərirdi. Faizlər endirildikdən sonra daha çox əmanət cəlb etmək üçün kampaniya aparan kommersiya  bankları öz faiz dərəcələrini fondun faiz dərəcələrinə uyğunlaşdırmazlarsalar həmin baklardakı əmanətlərin bir hissəsinin geri qaytarılma və ya batma riski artacaq. Mərkəzi Bankın prosesə daha yaxından müdaxilə etməsinə ehtiyac yaranacaq”.