Ölkədə bahalıq gözlənilir

 Kənd təsərrüfatı məhsullarının dəyəri artacaq

 

Aran bölgəsində  baş verən daşqınlar kənd təsərrüfatına ciddi ziyan vurub. Hazırda zərərin miqdarı açıqlanmasa da dövlət qurumları araşdırmaların aparıldığını deyirlər. İlkin məlumata görə, fəlakət təxminən 51 min hektar əkin sahəsini əhatə edib. 21 min 500 hektar taxıl zəmisi, 22 min 200 hektar yonca, 2650 hektar kartof, 2400 hektar tərəvəz, 1500 hektar pambıq, 80-100 hektar şəkər çuğunduru və 710 hektar bostan su altında qalıb. 126 baş iribuynuzlu, 300 baş xırdabuynuzlu heyvan və 57 min baş quş tələf olub. Bu arada daşqınların  qiymət artımlarına yol açacağı istisna olunmur. Artıq  tikinti, istehlak bazarlarında müəyyən qiymət artımları  baş verməkdədir. Ən pisi isə bu artımların davamlı olacağının  istisna edilməməsidir. Belə ki, ilin sonuna doğru bahalaşma sürətlənəcək.

Iqtisadi və Sosial İnkişaf Mərkəzinin rəhbəri Vüqar Bayramov kənd təsərrüfatına  dəyən ziyanın kiçik rəqəmlərlə ölçülmədiyini deyir: “Daşqınlar tam aradan qalxmadığından hesablamalar aparılmayıb. Lakin ilkin rəqəmlər ziyanın böyük olduğunu göstərir. Nəzərə alsaq ki, daşqınların baş verdiyi bölgələrin əhalisinin əsas məşğuliyyəti  kənd təsərrüfatı məhsullarının istehsalıdır   bu mövsüm sözügedən bölgədən paytaxt bazarlarına əvvəlki illərdəki həcmdə məhsul çıxarılmayacaq.   Başqa tərəfdən Aran rayonları məsafə baxımından şəhərə daha yaxındırlar. Həmin bölgələrdə məhsul qıtlığı səbəbindən paytaxt bazarlarının təhcizatçısı rolunda daha uzaq rayonlar oynaya bilər. Çatdırılma və digər xərcləri maya dəyərinə əlavə etsək bu bölgələrin məhsulları Aran rayonlarında istehsal olunan məhsullardan baha qiymətə satılacaq”.

 Ekspert sözlərinə görə, ilin ikinci yarısında Azərbaycanda ciddi qiymət artımları gözlənilir. Çünki, daşqınların  yalnız iqtisadi deyil psixoloji təsirləri də var:”İyul ayından başlayaraq istehlak bazarında bir sıra məhsulların, eləcə də ərzağın qiymətində artımlar müşahidə ediləcək. Kənd təsərrüfatı məhsullarının qiyməti əvvləki illə müqayisədə yüksək olacaq. Bu  həm də fermerlərin vaxtında subsidiyaları ala bilməmələrindən irəli gəlir. Yaranmış vəziyyət əkinlə bağlı müəyyən problemlər yaratdı . Belə ki, əkin sahələri və məhsul istehsalı azaldı. Bu sektorda paytaxt bazarlarına çıxışla bağlı maneələr qalmaqdadır. Güman edilir ki, həmin kənd təsərrüfatı sektorunda inhisarın qalması, bir sıra məhsulları üzrə əkin sahələrinin azalması, iqlim faktoru kənd təsərrüfarı məhsullarında bahalaşması  ilə nəticələnəcək. Bu arada  neftin qiymətinin artması dövlət büdcəsinə yenidən baxılmasını gündəmə gətirib. Əgər may ayında büdcəyə yenidən baxılarsa və büdcəyə əlavə, dəyişikliklər olunarsa, büdcə vasitəsi ilə maliyyələşdirilən investisiya layihələrinə vəsait ayrılması barədə qərar qəbul edilərsə,  bu pul dövriyyəsinin şişməsinə, nəticədə bahalaşmaya səbəb olacaq.

 

 

 

 

 

 

 

 


 

Media/ Videolar/Fəaliyyətlər


 

       

Oktyabrın 17-də Azad Fikir Universitetinin İqtisadiyyat klubu özünün ilk seminarına toplandı. Tələbələrin qonağı bu dəfə tanınmış iqtisadçı, İqtisadi və Sosial İnkişaf Mərkəzinin İdarə Heyəti Sədri Vüqar Bayramov idi. QonaqAFU tələbələri ilə birlikdə müxtəlif mövzular ətrafında maraqlı və canlı müzakirələr apardı. Vüqar Bayramov tələbələri iqtisadiyyatla bağlı bəzi müasir nəzəriyyələrlə tanış etdi. Xüsusiylə klassik, Keynsçi və Çikaqo məktəblərinə yer ayıran mühazirəçi eyni zamanda tələbələrə bu nəzəriyyələrin maraqlı aspektlərindən danışdı

   

Noyabrın 14-də Azad Fikir Universitetinin İqtisadiyyat klubu özünün növbəti görüşünə toplandı. Bu dəfəki mövzu dövlət sərmayələri, klubun qonağı isə tanınmış iqtisadçı, İqtisadi və Sosial İnkişaf Mərkəzinin İdarə Heyəti üzvü Elçin Rəşidov idi. Elçin Rəşidov ilk öncə sərmayə və onun fəlsəfəsi, sərmayələrin məqsəd və vəzifələri haqqında tələbələrə söhbət açdı. Daha sonra görüş iştirakçıları dövlət sərmayələri və özəl sərmayələr haqqında müzakirə apararaq onların fərqli və oxşar cəhətlərinə toxundular.

       

İqtisadiyyat Klubu / Vüqar Bayramov from afumedia on Vimeo.

   

Economics Club / Elchin Rashidov from afumedia on Vimeo.