“Nabukko” Rumuniyada müzakirəyə çıxarılacaq

 

İqtisadi və Sosial İnkişaf Mərkəzinin (İSİM) sədri Vüqar Bayramov Rumuniyanın paytaxtı Buxarestdə yerləşən İmperial universiteti tərəfindən təşkil olunan “Balkanlar Qafqaz: problemlər, perespektivlər” mövzusunda tədbirdə iştirak edəcək. Qeyd edək ki, tədbir Rumuniya höküməti və Avropa Birliyi tərəfindən dəstəklənir. Tədbirin məqsədi Balkanlarda və Qafqazda proseslərin təhlil edilməsi, eləcə də siyası, iqtisadi,o cümlədən  konfiliktlərlə bağlı məsələlərlərin müzakirəsi, Qafqaz və Balkanlar üçün  kifayət qədər əhəmiyyətli olan enerji təhlükəsizliyi məsələlərinin rəsmi və ekspertlər səviyyəsində müzakirəsinin təşkil olunmasıdır. Bildirək ki, İSİM  rəhbəri tədbirə Rumuniyanın xarici işlər naziri tərəfindən dəvət edilib.  Tədbirdə Azərbaycan daxil olmaqla regiondakı digər  ölkələrdən, ABŞ və Mərkəzi Şərqi Avropa ölkələrindən, eləcə də  Avropa Birliyi ölkələrindən ekspertlər, tədqiqat institutlarının rəhbərləri, hökümət nümayəndələri  qatılacaqlar.

 

Nəzərə çatdıraq ki, tədbirdə V.Bayramov “Azərbaycanın enerji resurslarının Qafqazda təhlükəsizliyin və əməkdaşlığın  formalaşmasında rolu” mövzusunda məruzə ilə çıxış edəcək. Yeri gəlmişkən ekspertin yalnız Azərbaycanın enerji resursları ilə bağlı deyil,  həmçinin regionda  həyata keçirilməsi nəzərdə tutulan enerji layihələri, o cümlədən “Nabukko ” layihəsi  ilə bağlı  çıxışı olacaq. V.Bayramov bu zaman “Nabukko” layihəsinə Azərbaycan tərəfinin verəcəyi töhvə, Azərbaycanını “Nabukko” və digər transxəzər   layihələrdə iştirakı ilə bağlı iştirakçılara geniş məlumat  verməyi planlaşdırır.

 

 

 

 

 

 

 


 

Media/ Videolar/Fəaliyyətlər


 

       

Oktyabrın 17-də Azad Fikir Universitetinin İqtisadiyyat klubu özünün ilk seminarına toplandı. Tələbələrin qonağı bu dəfə tanınmış iqtisadçı, İqtisadi və Sosial İnkişaf Mərkəzinin İdarə Heyəti Sədri Vüqar Bayramov idi. QonaqAFU tələbələri ilə birlikdə müxtəlif mövzular ətrafında maraqlı və canlı müzakirələr apardı. Vüqar Bayramov tələbələri iqtisadiyyatla bağlı bəzi müasir nəzəriyyələrlə tanış etdi. Xüsusiylə klassik, Keynsçi və Çikaqo məktəblərinə yer ayıran mühazirəçi eyni zamanda tələbələrə bu nəzəriyyələrin maraqlı aspektlərindən danışdı

   

Noyabrın 14-də Azad Fikir Universitetinin İqtisadiyyat klubu özünün növbəti görüşünə toplandı. Bu dəfəki mövzu dövlət sərmayələri, klubun qonağı isə tanınmış iqtisadçı, İqtisadi və Sosial İnkişaf Mərkəzinin İdarə Heyəti üzvü Elçin Rəşidov idi. Elçin Rəşidov ilk öncə sərmayə və onun fəlsəfəsi, sərmayələrin məqsəd və vəzifələri haqqında tələbələrə söhbət açdı. Daha sonra görüş iştirakçıları dövlət sərmayələri və özəl sərmayələr haqqında müzakirə apararaq onların fərqli və oxşar cəhətlərinə toxundular.

       

İqtisadiyyat Klubu / Vüqar Bayramov from afumedia on Vimeo.

   

Economics Club / Elchin Rashidov from afumedia on Vimeo.