|
İSİM
Harvard
Üniversitetinin Rəsmi Katoloquna Daxil Edilib
Dünyanın 1 nömrəli universiteti Azərbaycanın beyin
mərkəzini dünyanın aparıcı təşkilatlardan biri kimi
tanıyıb
ABŞ-ın tanınmış Harvard Universiteti İqtisadi və
Sosial İnkişaf Mərkəzinin (İSİM) rəsmi katoloquna
daxil edilməsi ilə bağlı qərar qəbul edib. Bu haqda
Harvard Universitetinin Con Kennedi Hökumət
Fakultəsi açıqlama yayıb. Həmçinin İSİM-in adı
universitetinin internet ünvanında yerləşdirilib (http://www.hks.harvard.edu/library/research/guides/think-tanks-directory.htm#intT
). Məlumat üçün bildirək ki, İSİM Harvard
Universitetinin rəsmi katoloquna daxil edilən ilk və
yeganə Azərbaycan təşkilatıdır.
 İSİM-in
rəhbəri Vüqar Bayramov bildirib ki, Azərbaycanın
beyin mərkəzinin dünyanın tanınmış universitetinin
rəsmi katoloquna daxil edilməsi sevindirici haldır.
İlk dəfə olaraq Azərbaycan təşkilatı Harvrd
Universiteti tərəfindən rəsmi olaraq tanınır.
MDB-dən yalnız iki ölkənin (Rusiya və Azərbaycan)
həmin siyahıda təmsil olunduğunu nəzərə aldıqda
katoloqun kifayət qədər ciddi və əhəmiyyətli
olduğunu təsəvvür etmək çətin olmaz.
Qeyd edək ki, Rusiyanı həmin siyahıda Karnegi Moskva
Mərkəzi təmsil edir.
V. Bayramov onu da deyib ki, son illər İSİM-in
xarici əlaqələri kifayət qədər güclənib və təşkilat,
demək olar, bütün dünya reytinqlərinə daxil edilir.
ABŞ-ın məşhur Pensilvaniya Universitetinin
hesabatında da İSİM Qafqazın aparıcı beyin mərkəzi
kimi qiymətləndirilərək Mərkəzi və Şərqi Avropanın
əsas təşkilatları siyahısına daxil edilmişdir.
İSİM rəhbəri deyib ki, Harvard Universitetinin
İSİM-i özünün rəsmi katoloquna daxil etməsi mərkəzlə
dünyanın aparıcı universitetlər və təşkilatları
arasında əlaqələrin daha da genişlənməsinə təkan
verəcək. Eləcə də Azərbaycan elminin xaricdə geniş
təqdimatına imkan yaradacaq.
Xatırladaq ki, İSİM 2005-ci ildə xaricdə təhsil
almış bir sıra aparıcı iqtisadçılar tərəfindən
yaradılıb. Mərkəz müxtəlif dövlət, beynəlxalq və
qeyri-dövlət təşkilatları ilə iqtisadi və sosial
islahatların dəstəklənməsi istiqamətində proqramlar
həyata keçirir.
|
