Əməkhaqqılar artırılacaqmı?

Vüqar Bayramov: “Dövlət büdcəsinə edilən dəyişikliklərdən sonra əməkhaqqların 10 faiz artırılacağı gözlənilir”

Xəbər verdiyimiz kimi, may  ayında 2011-ci ilin dövlət büdcəsinə əlavə və dəyişikliklər  edilə bilər. Bu zaman büdcə gəlirlərinin artımı ilə yanaşı  xərcləri də çoxaldılacaq. Nəzərə çatdıraq ki, cari ilin büdcəsinin gəlirləri 12061,0 mln. manat, xərclər isə 12748,0 mln. manat proqnozlaşdırırlb.. Dövlət büdcəsinin xərclərinin 55,1 faizi cari xərclərə, 42,2 faizi əsaslı xərclərə, 2,7 faizi dövlət borcuna xidmətlə bağlı xərclərə yönəldilməsi planlaşdırırlıb. Sosialyönümlü xərclərin büdcədəki xüsusi çəkisi  isə 33,3 faiz müəyyən edilib. Diqqəti çəkən, may ayında gözlənilən büdcə dəyişiklikləri zamanı əməkhaqqı və pensiyalarla bağlı nəzərdə tutulan xərc maddəsində artımlara gedilib-gedilməyəcəyidir? Məlumat üçün bildirək ki, hökümət 2011-ci ildə Azərbaycanda orta aylıq əmək haqqının 379 manata, 2012-ci ildə 431, 2013-də 485, 2014-cü ildə isə 551 manata çatdırmağı proqnozlaşdırır.

İqitisadi və Sosial İnkişaf Mərkəzinin rəhbəri Vüqar Bayramov bildirir ki, may ayında dövlət büdcəsinə gözlənilən əlavə və dəyişikliklər  büdcədən sosial layihələrin maliyyələşdirilməsinə ayrılan vəsaitin həcminin artmasına gətirib çıxaracaq: “İyul ayından başlayaraq mərhələli olaraq büdcədən maliyyələşən təşkilatlarda əməkhaqqı artımları həyata keçirilə bilər. Bu halda əməkhaqlarında  10 faizlik artım gözlənilir”.

İqtisadçı alim deyir  ki, 2011-ci ildə əməkhaqların, sosial yardımların məbləğində artımlar hələlik rəsmi olaraq elan edilməsə də, büdcədə profisitin yaranması və gəlirlər hissəsinin proqnozlaşdırıldığından çox olması bu addımın atılmasına  imkan verir: “Büdcə dəyişikliklərindən sonar əməkhaqqı artımları ilə bağlı sərəncamların verilməsi gözlənilir. 2009-cu ildə olduğu olduğu kimi bu artımlar 10 faiz intervalında olacaq. Güman edilir ki, ötən ildən fərqli olaraq bir slrakateqoriyalar üzrə artımlara gediləcək”.

Vüqar Bayramov bildirib ki, əmək haqqı artımlarının istehlak bazarına təsirlərini azaltmaq və eləcə də yeni qiymət artımları üçün baza yaratmasının qarşısının alınması üçün kompleks tədbirlərin həyata keçirilməsinə ehtiyac var.