Mayda büdcəyə əlavə və dəyişikliklər olunacaq

Vüqar Bayramov: “Büdcənin xərcləri daha 2 milyard manat artırıla bilər”

 Dünya bazarlarında neftin qiyməti son bir ay ərzində ən yüksək həddə çatıb. “Qara qızıl”ın bahalaşmasına əsas səbəb Liviyada qiyamçıların hazırkı dövlət başçısı Müammar Qəddafi tərəfdarlarına gücdə yenilməsi göstərilir. Həmçinin neftin bahalaşmasına digər səbəb, dolların məzənnəsinin gündən-günə zəifləməsidir.  Bununla da “qara qızıl”ın bir barelinin qiyməti 107  dollara qədər yüksəlib. Londondakı “ICE” birjasında isə Brent markalı neft yüksələrək 117,20 dollar təşkil edib. Nəzərə çatdıraq ki, neftin qiymətinin yüksəlişi 2011-ci ilin dövlət büdcəsinə əlavə və dəyişiklikləri   gündəmə gəritib.Onu da vurğulayaq ki, 2011-ci il dövlət büdcəsinin gəlirləri 12 milyard 61 milyon manat, xərcləri isə 12 milyard 748 milyon manat təşkil edir. Dövlət büdcəsində neftin 1 barelinin qiyməti 60 dollar səviyyəsində nəzərdə tutulur.

Iqtisadi və Sosial İnkişaf Mərkəzinin (İSİM) rəhbəri Vüqar Bayramov 2011-ci ilin ötən 3 ayında  dünya bazarında neftin  orta qiymətinin 90 dollardan yüksək olduğunu deyir: “Bu, dünya bazarında neftin orta qiymətinin dövlət büdcəsində nəzərdə tutulandan 50 faiz çox olması deməkdir. Büdcəyə daxilolmaların payı artıb. O baxımdan gələn ay dövlət büdcəsinə əlavə və dəyişikliklərin olunması qaçılmazdı. Güman edilir ki, gəlirlərin artımı büdcədə profisitin yaranması bəzi xərc maddələrinin artırılmasına gətirib çıxara bilər”.

V.Bayramovun sözlərinə görə, qiymətləndirmələr büdcənin gəlirlər və xərclər hissəsinə 2 milyard manat əlavə ediləcəyini göstərir:” Gözləniləndir ki,  bu halda daha çox vəsait investisiya layihələrinə yönəldilsin. May ayında büdcəyə dəyişikliklər edilən zaman  dövlət büdcəsində neft sektorunun rolunun, payının azaldılması məqsədilə Neft Fondundan büdcəyə transfertlərin həcminə əlavələrin edilməməsi daha məqsəd uyğundur”.

 Mütəxəsiss hesab edir ki, dəyişikliklər neftin dünya bazar qiymətinin qalxması nəticəsində dövlət büdcəsinə əlavə daxil olmanın hesabına edilməlidir: “Praktiki bununla dövlət büdcəsinin Neft Fondundan asılılığını aradan qaldırmaq mümkün olar”.

İSİM rəhbəri bildirir ki, dövriyyədə pul kütləsinin artması nəticə etibari ilə qiymətlərin qalxması və  2011-ci ilin 2-ci yarımilində Azərbaycanda daha yüksək inflyasiyanın yaranmasına  səbəb ola bilər.

 

 

 

 

 

 

 

 


 

Media/ Videolar/Fəaliyyətlər


 

       

Oktyabrın 17-də Azad Fikir Universitetinin İqtisadiyyat klubu özünün ilk seminarına toplandı. Tələbələrin qonağı bu dəfə tanınmış iqtisadçı, İqtisadi və Sosial İnkişaf Mərkəzinin İdarə Heyəti Sədri Vüqar Bayramov idi. QonaqAFU tələbələri ilə birlikdə müxtəlif mövzular ətrafında maraqlı və canlı müzakirələr apardı. Vüqar Bayramov tələbələri iqtisadiyyatla bağlı bəzi müasir nəzəriyyələrlə tanış etdi. Xüsusiylə klassik, Keynsçi və Çikaqo məktəblərinə yer ayıran mühazirəçi eyni zamanda tələbələrə bu nəzəriyyələrin maraqlı aspektlərindən danışdı

   

Noyabrın 14-də Azad Fikir Universitetinin İqtisadiyyat klubu özünün növbəti görüşünə toplandı. Bu dəfəki mövzu dövlət sərmayələri, klubun qonağı isə tanınmış iqtisadçı, İqtisadi və Sosial İnkişaf Mərkəzinin İdarə Heyəti üzvü Elçin Rəşidov idi. Elçin Rəşidov ilk öncə sərmayə və onun fəlsəfəsi, sərmayələrin məqsəd və vəzifələri haqqında tələbələrə söhbət açdı. Daha sonra görüş iştirakçıları dövlət sərmayələri və özəl sərmayələr haqqında müzakirə apararaq onların fərqli və oxşar cəhətlərinə toxundular.

       

İqtisadiyyat Klubu / Vüqar Bayramov from afumedia on Vimeo.

   

Economics Club / Elchin Rashidov from afumedia on Vimeo.